Vhashumi vha u fhaṱa vha vhalelwaho kha 34 vho lovha musi tshifhaṱo tshe vha vha vha khou fhata tshi tshi wa, nga ḽa 6 Lambamai ṅwaha wo fhiraho George , Western Cape . Minisiṱa wa Mishumo ya Tshitshavha na Themamveledziso Vho-Dean Macpherson vhari vho ṱanganedza muvhigo wa u fhedzisela u bva kha Khoro ya Mupo (CBE) malugana na u wa ha tshifato itshi. Zwa Maramani yo fara nyambedzano na Elelwani Mawela we a do ponya kha hombo iyi.

Mutangano wa vhukati ha Phuresidennde vho-Ramaphosa na Phuresidennde vho-Donald Trump wo thoma zwavhudi, fhedzi u tshi ya phanda mimuya ya dzikuwa musi vho-Trump vha tshi amba uri vhatshena zwihulusa vho-rabulasi vha khou vhulawa nga vhunzhi fhano Afurika Tshipembe. Mbudziso i re milomoni ya vhanzhi ndi ya uri, uyo mutangano u nga kona-naa u vhuyedzedza vhushaka ha vhu-dipulomati vhukati ha mashango aya mavhili? U pfa zwinzhi, nga vha talele ino mbekanyamushumo

Muvhuso wa Afrika Tshipembe, wo renga hekhithara dza miḽioni nna dza mavu a vhulimi nga mutengo u linganaho Rannda dza Biḽioni dza Futhanu-Malo, muhumbulo muhulwane u wa u vhuedzedza mavu murahu kha vhane vhao vha vhukuma, zwihulusa vharema. Bulasi ya Barota, ndi inwe ya dzi-bulasi dze dza humiselwa murahu kha vhane vhadzo vha vhukuma. Afha ndi hune vhashumi vha ri ndi kale vha saathu u wana malamba avho a nwedzi nga nwedzi o fhelela. Nga ri lavhelese.

Phuresidennde wa lihoro la ANC Vho-Cyril Ramaphosa vha ri vhoramabindu ndi vha ndeme kha ikonomi ya shango, fhedzi muvhuso a u nga tanganedzi ndaela dza mavhusele u bva kha vho-ramabindu. Vha ri muvhuso u do thetshelesa fhedzi vhathu vhe vha vha vouthela. Zwi tshi kha di vha zwo ralo, Murangaphanda wa lihoro la DA Vho-John Steenhuisen vho khwathisedza uri lihoro lavho lo tanganedza lunwalo u bva kha vhoramabindu vhane vha khou vhilahedzwa nga zwine vha ri ndi ndingedzo dza u thudzela thungo lihoro la DA kha muvhuso wa GNU. Dokotela Vho-Levy Ndou vhane vha vha mudivhi wa zwa polotiki na Vho-Tshilidzi Mavhungu vhane vha vha Mudivhi kha zwa u eletshedza nga ha zwa Masheleni vho ri thusa u sedza fhungo ili.

Lwa u tou thoma kha divhazwakale ya la Afrika Tshipembe, mvelelo dza matiriki dza mahola dzo pada phesente dza fumalo-thanu. Vundu la Limpopo na Mpumalanga ndi manwe a mavundu e a khwinisa mvelelo dzao musi hu tshi vhambedzwa na zwa mbamahola nga 2023.

Sa zwo tahahiswaho phalamenndeni, huna vhaṅwe vha vhaholi vha magavhelo a muvhuso a ndondolo a SASSA, vha no khou wanala vho fola miduba fhethu ha u gembuḽa hone u fana na (magaraṱani, madaizini, mitshainini, casinoni na hunwe) nga ḓuvha ḽa miholo ya magavhelo ayo. Naa zwa u gembuḽa zwi vhangwa na u ṱuṱuwedzwa ngani? Avho vha di wanaho vhe phuli yazwo vha nga thusiwa hani nahone ngafhi?

Vha Yunivesithi ya Limpopo vha khou di rwa khana ngamurahu ha musi vho kona u bveledza Rasaintsi vhane vha vha Dokotela Vho-Tuwani Tryphina Ramavhale vhe vha phasa ngudo dza PHD ya zwimela ine yo tou ri fombe kha tsedzuluso dza mishonga ya Tshirema. Afha ndi he Dokotela Vho-Ramavhale vha ita tsedzuluso dzine mafheleloni dza nga sia dzi tshi bveledza mishonga ya tshikhuwa yo bvaho kha miri ya Tshirema.

U bva nga la u thoma la nwedzi wa Khubvumedzi, vhashumi vha fhano Afurika Tshipembe vho mbo thoma u tendelwa u tumbula masheleni avho a phensheni naho vha saathu notha. Zwa u ita khumbelo dza masheleni aya hunwe zwo pfala zwi tshi khou ongolowa nga u dalesa ha khumbelo dza u dzhia masheleni enea. Fhedzi hu di vha na vhadzulapo vhane vha kha di kanakana uri vha dzhie naa kana haayi. Vhanwe vha ri ndi khwine u di dzhiela masheleni aya zwino, ngeno vhanwe vha tshi ri ndi khwine u a litsha o ralo. Tshinwe tshine tsha khou nea vhathu gonobva, ndi muthelo wa enea masheleni. Ro do dzula fhasi na Dokotela Vho-Thomas Radzilani u bva South African Revenue Services kana SARS khathihi na Vho-Thapelo Mofokeng vhane vha vha mutshimbidzi wa dzi-phensheni kana Pension Fund u Administrator u haseledza nga leneli fhungo