RSG Nuus en Aktualiteit
Kampusse in Vrystaat bly gesluit weens geweldadige betogings.
Studente aan die Universiteit van die Vrystaat se Qwa Qwa-kampus sê hulle is onseker oor wat die toekoms vir hulle inhou terwyl hulle die kampus ontruim. Die universiteit het hulle beveel om die kampus binne 24 uur te verlaat na gewelddadige betogings Maandagaand. Video's het aan die lig gekom van 'n konfrontasie tussen studente en veiligheidspersoneel. Die betogings volg na die besluit deur die universiteit om alle voorlopige registrasies op te skort vir die 2026 akademiese jaar.
Die Pa van 'n elfjarige wat ’n plaaswerker skiet, kry borgtog.
Die Thabazimbi-landdroshof het borgtog toegestaan aan ’n 43-jarige man wie se 11-jarige seun 'n plaaswerker met sy Pa se vuurwapen, noodlottig gewond het. Die Pa is in hegtenis geneem op ‘n klag van nalatigheid in die hantering van ‘n vuurwapen, terwyl die kind ‘n asseseringsproses ondergaan. Die kind het na bewering tarentale met sy pa se vuurwapen gejag ten tyde van die voorval. Monitor het met die strafregkenner, senior advokaat Francois Bothes gepraat oor wat ons wetgewing vereis van vuurwapeneienaars in so 'n geval, en wat die hofsaak inhou vir die minderjarige.
Die Mense Regte Kommissie gaan Operasie Dudula weer hof toe Sleep.
Die MRK sê hy sal nie gestuit word in sy pogings om Operasie Dudula te verhoed om buitelanders van gesondheidssorg te ontneem nie. Die Kommissie se aansoek om n interdik te verkry teen Operasie Dudula se veldtog by klinieke is verlede Vrydag van die hand gewys. Die Durban se hooggeregshof het nie saamgestem met die dringenheid van die aansoek nie. Operasie Dudula verhoed al sedert verlede Julie toegang tot klinieke aan enigiemand wat nie oor 'n SA identiteits dokument beskik nie. Die hoof-kommisaris by die MRK, Chris Nissen het ook aan Monitor gese dat ondersteuners van Dudula ons grondwet verkeerdelik interpreteer en dat alle inwoners, ongeag van verblyfstatus, wel toegang moet hê tot basiese gesondheidsdienste.
‘Joshlin’ toneelstuk lig wenkrboue oor verval van ons gemeenskappe.
Die 2025 Toyota Stellenbosch Woordfees vier sy 25ste bestaansjaar met 'n kragtige teaterprogram, insluitend 'n nuwe drama gebaseer op die verdwyning van Joshlin Smith, wie se ontvoeringsaak steeds opslae maak. Die produksie, getiteld: Joshlin: Meer As 'n Naam, neem tans feesgangers op die emosionele reis van die jong dogtertjie se verdwyning. Die toneelstuk is geskryf deur Herschelle Benjamin en die regie word deur die veteraan, Janice Honeyman behartig. Monitor het met die akteur en musikant, Frazer Barry gepraat wat die klankbaan vir die toneelstuk vervaardig het....
Jou belastingkrediet gaan dalk gesondheidsversekering finansier.
Die vakbond Solidariteit verwerp die regering se voorneme om lede van mediese fondse se belastingkrediete vir die finansiering van die Nasionale Gesondheidsversekering aan te wend. Die Departement van Gesondheid en die Nasionale Tesourie beplan om op hierdie wyse 'n verdere 34-miljard rand vir die NGV te bekom. Theuns du Buisson, 'n ekonomiese navorser van die Solidariteit Navorsingsinstituut se hulle gaan hof toe om dit te verhoed.
Gyselaars word Vrygelaat, maar hoe lyk Fase 2 van Gasa Vredesplan?
Hamas het die laaste 20 oorlewende gyselaars gister vrygelaat terwyl Israel byna 2000 aangehoudenes en gevangenes en die oorskot van 4 gyselaars aan die Palestyne oorhanding het. Dit merk fase een van die 20-punt plan vir vrede. Die politieke ontleder Piet Croucamp verduidelik hoekom ons versigtig te werke moet gaan in die onderskeid en beskrwying tussen gyselaars en gevangenes maar ook wat nou voorlê vir fase 2 van die vredesplan. Wat presies word nou verwag van Hamas magte in Gasa en hoe sal daar te werke gegaan word met die meer as 800 duisend Palestyne wat deur Israel se aanvalle ontheem is?
Madagaskar op die drumpel van n Staatsgreep
Die president van die eiland-nasie, Andry Rajoelina, waarsku dat daar ‘n staatsgreep-poging is. Dit volg nadat dieselfde militêre eenheid, CAPSAT, wat hom aan bewind gebring het, nou sy teenstanders ondersteun. Madagaskar gaan gebuk onder landwye protesoptrede deur jeugdeges onder die vaandal van Gen-Z, wat dreig om Rajoeline uit die kussings te lig, weens gebrekkige dienslewering. Suid-Afrika se ambassedeur in Madagaskar tussen 2012 en 2016, Gert Grobler, het ook aan Monitor vertel hoe Suid Afrika gereed staan om in die konflik as bemiddelaar op te tree.
Hoe Sentraal is Trump tot Vrede in die Midde-ooste?
Ons het op Monitor met die politieke ontleder Professor Piet Croucamp gepraat hieroor. Die Amerikaanse president spreek vandag Israel Knesset toe, voor hy in Egipte aansluit by 20 ander lande wat reg staan om sy 20-punt vredes plan tussen Israel en Hamas probeer deur voer. Vandag merk dag een van die eerste fase met verwagtinge dat gyselaars vrygelaat sal word.
Die Net Span Nouer om 'Mkhwanazi-onthullings' figure.
Terwyl werksaamhede by die Madlanga Kommissie en die Parlementêre Ad-hoc Komitee voortduur is die net besig om nouer te span om die persone, wat betrek word by bewerings van betrokkenheid by misdaad sindikate. Donderdag is 'n polisie klopjag uitgevoer by die adjunk nasionale polisiekommissaris, Shadrack Sibaya se woning in Centurion, en die huis van die beleërde minister van polisie, Senzo Mchunu se stafhoof, Cedrick Nkabinde.
1 uit elke 4 Werknemers is Depressief
Giftige werksomgewings lei daartoe dat ‘n kwart van Suid Afrika se arbeidsmag met depressie gediagnoseer word. Op Wêreld-Geestesgesondheidsdag vra Monitor aan 'n kenner, wat die tekens is van ‘n giftige werkplek en watter ingryping nodig is, indien jy by die werk geboelie of geteister word.
Die Rekord goudprys is 'n aanduiding van China se oorlog teen die Amerikaanse doller.
So sê Roelof Botha, 'n ekonomiese raadgewer by die Optimum Belggingsgroep. Hy sê China en Rusland is doelbewus besig om hulle goud-reserwes op te bou om die Amerikaanse doller te kelder. Die netto impak is dat die goudprys verdubbel het oor die afgelope twee jaar, tot n nuwe rekordprys van oor die vierduisend doller per ons. Ons het ook met David Van Wyk, 'n navorser by die Benchmark Stigting gepraat oor die mening dat die Suid-Afrikaanse regering die sogenaamde goud-bus verpas het weens n beleidsrigting wat nie ondersteunend is van die goudmynbedryf nie. Van Wyk se, al lê daar hope goud onder die grond in Suid Afrika, is die bedryf al sedert die tagtigerjare nie langer lewensvatbaar nie.
Damprook onder tieners n groot bron van kommer
Die Wêreldgesondheidsorganisasie is bekommerd oor die toenemende gebruik van E-sigarette onder tieners. Die WGO sê minstens 15-miljoen kinders wêreldwyd, tussen die ouderdomme van 13 en 15 jaar, damprook. Die WGO waarsku dat 'n nuwe vlaag van nikotien-verslawing onder jongmense posvat. Dr. Angelique Coetzee van die Solidariteit Doktersnetwerk, sê selfoonverslawing onder tieners wat gepaard gaan met damprook, kan katastrofies wees vir jou kind.
Vrystaat se boere is keelvol van self opdok vir die herstel van paaie
Boere in die Vrystaat sê hulle word genoodsaak om self landelike paaie te herstel. Dit nadat die provinsiale departement van paaie gesê het dat hy weens begrotingsbeperkings, nie paaie dringend kan regmaak nie. Die president van die organisasie Vrystaat Landbou, Francois Wilken sê dit kan nie so aangaan nie.
3 Partye word 1 vir die Munisipale verkiesing.
Build One South Africa, Rise Mzansi en die Good-Party sal as een party aan volgende jaar se munisipale verkiesing deelneem. Hoe sal leiers soos Mmusi Maimane, Songezo Zibi en Patricia De Lille saamwerk onder die vaandal van Unite for Change, wat sal die party se prioriteite wees en, dalk meer belangrik, kan dit ‘n impak maak op plaaslike regeringsvlak? Monitor het hieroor met die politieke kommentator verbonde aan die Hugenote Kollege, professor Pieter Duvenhage gepraat.
Daar is hoop vir SA-VSA verhoudings, maar die regering moet luister.
Die vakbond Solidariteit se maandelikse tarief-barometerverslag, toon dat veral die chemiese bedryf en minerale produkte erg geraak is in Augustus deur Amerika se nuwe handelstariewe met Suid Afrika. Nie te min het verskillende afvaardigings hierdie week teruggekeer van besoeke aan die VSA waar verskillende politieke partye, bugerlike organisasies en sakelui nuwe voorstelle vir nouer bande met Amerika, ter tafel gelê het. Monitor het gaan uitvind hoe die 30 perstent tariewe, handelssyfers beinvloed en ook by die leier van die Vryheidsfront Plus, Dr Corne Mulder gaan hoor hoe en waar dinge met die Trump Administrasie kan verbeter.
Hier is n hulpbron om die voorkoms van borskanker te verhoed.
Borskanker is wêreldwyd die mees algemene kanker wat by vroue gediagnoseer word. Oktober is Borskanker bewustheids-maand, en ons het op Monitor met Dr. Liana Roodt, 'n chirurg wat in borskanker spesialiseer, gepraat. Sy is ook die uitvoerende direkteur van Project Flamingo en die South African Cancer Alliance. Vir Meer inligting Besoek: www.projectflamingo.co.za https://canceralliance.org.za
Die anatomie van kontrakmoorde in Suid Afrika?
Die 45-Jarige, Burnett Benacoba Hermanus, is eergisteraand in sy bakkie in die parkeerterrein van die Milpark-hospitaal in Johannesburg doodgeskiet. Minstens 15 patroondoppies is op die toneel gevind. Daar word berig dat hy met dieselfde vuurwapen geskiet is wat gebruik is in die moord op die likwidateur, Cloete Murray, en sy seun Thomas in 2023. 'n Ondersoekbeampte was glo op die spoor van Hermanus om hom in hegtenis te neem toe hy self vermoor is. Tekens dui op n kontrakmoord wat uitgevoer is. Monitor het met die voormalige hoof van die Misdaad-inligting-ontleding-sentrum van die Polisie, Dr. Chris de Kock gepraat. Hy verduidelik hoe kontrakmoord ‘n bedryf geword het wat homself in die politiek, minibus-taxibedryf en algemene sakewereld ingewortel het.
Die Onderwys Minister moet vandag nog ingryp
Die Federasie van Beheerliggame van Suid Afrikaanse Skole (FEDSAS), waarksu ons stuur af op ’n ramp indien Minister Siviwe Gwarube nie vandag al ingryp in die jongste krisis binne die onderwys departement nie. In vyf provinsies weet openbare skole tot dusver nie hoeveel onderwysposte hulle vir die 2026-skooljaar van die regering ontvang nie. Dit kan lei tot ernstige tekortkominge indien daar nie onmiddelik en daadwerklik opgetree word nie, sê FEDSAS.
Gaan Malema Tronk Toe?
Monitor het die strafregkenner, Advokaat Francois Botes, die vraag gevra na die EFF leier, Julius Malema gister in ’n Oos-Londense hof skuldig bevind is aan ’n wapen-oortreding. Dit hou verband met die afvuur van 'n vuurwapen tydens die EFF se vyfde bestaansjaarvieringe in 2018. Malema het reeds aangedui dat hy sal appelleer. Botes verduidelik ook of daar voldoende gronde is vir n appél. Ons het ook vir die luisteraars gevra of daar dalk ‘n regstellende taak is wat Malema kan verrig as straf vir die oortreding. Dalk het jy jou eie idees hieroor. Deel dit gerus hier.
Medelye stroom in na die dood van ambassadeur Mthethwa
Medelye stroom in ná die dood van Suid-Afrika se ambassadeur in Frankryk, Nathi Mthethwa, in dié land se hoofstad, Parys. Hy was 58 jaar oud. Mthethwa se liggaam is gister by die Hyatt Regency Hotel in Parys gevind. Sy dood is deur die Departement van Internasionale Betrekkinge en Samewerking (DIRCO) bevestig. In 'n verklaring se die departement dat die omstandighede rondom sy dood deur die Franse owerhede ondersoek word.
Save video to ...
