RSG Nuus en Aktualiteit
En nou wag SA vir Trump se reaksie na die oorhandiging van die G20-leisels
Suid-Afrika het gister die G20-presidentskap aan die VSA in Pretoria oorhandig. Die oorhandiging by die kantore van die Departement van Internasionale Betrekkinge en Samewerking - of DIRCO - was egter nie 'n prominente media-geleentheid nie. Die afgelope naweek is die G20-leiers se verklaring deur wêreldleiers in die afwesigheid van die VSA aanvaar na hulle boikot van die beraad. Die Minister van Internasionale Betrekkinge en Samewerking, Ronald Lamola, het toe beklemtoon, en daarop aangedring, dat behoorlike diplomatieke protokol gevolg moet word, wat 'n oorhandiging tussen amptenare van vergelykbare rang vereis. Monitor het die mening van Dr. Oscar van Heerden, 'n senior navorser by die Sentrum vir Afrika Diplomasie en Leierskap aan die Universiteit van Johannesburg ingewin.
Die Tesourie see “Nee” vir Nama Khoi-munisipalitiet se 15 jaar kontrak met diensverskaffer
Die Nama khoi-munisipaliteit in die Noord-Kaap - wat dorpe soos Springbok, Kleinsee, Steinkopf en Vioolsdrif insluit - sit met sy hande in die hare, omdat die Nasionale Tesourie daarop aandring dat hy nie sy kontrak met die maatskappy Rural Maintanance hernu nie, Dit is ondanks 'n noemenswaardige verbetering in die munisipaliteit se geldsake. Rural Maintenance het na bewering reeds sowat R50 miljoen bestee om onder meer infrastruktuur in dié munisipaliteit te herstel, en wil nou die saak hof toe vat. Monitor het met die Speaker van die Nama Khoi- Munisipaliteit, Dr. Gustav Bock gepraat.
Die Konstitusionele Hof sal besluit of die MRK-aanbevelings afdwingbaar is
Die Konstitusionele Hof sal die Suid-Afrikaanse Menseregtekommissie se appèl teen ‘n Appèlhof-uitspraak van Augustus 2024 aanhoor. Die uitspraak het bevestig dat die aanbevelings van die kommissie NIE bindend is nie, en slegs deur 'n hof afgedwing kan word. Hierdie uitspraak volg op 'n geskil tussen die Kommissie oor die reg op toegang tot water. Avokaat Anna-Marie de Vos wat spesialiseer in grondwetlike litigasie, veruidelik aan Monitor wat die kanse van sukses is voor die hoogste hof in die land.
Nog niks is gedoen om die MK Party “huursoldate” terug te bring uit Rusland nie
'n Familielid van een van die 17 Suid-Afrikaners wat hulle in Oekraïne in die oorlogsone bevind, sê die regering het nog niks gedoen om hulle terug te bring Suid-Afrika toe nie. Oud-president Jacob Zuma se dogter, Nkosazana Bonganini Zuma-Mncube, het gister 'n strafsaak teen haar suster, Duduzile Zuma-Sambudla, sowel as Siphokazi Xuma en Blessing Khoza, by die polisie in verband met die saak aanhangig gemaak. Ons hoor op Monitor by 'n parlementslid of die wetgewer die regering sal dwing om op te tree en by n regskenner oor die straf wat 'n skuldigbevinding dra. Ons vind verder uit of die geval voldoen aan 'n moontlike saak van mensehandel en die onwettige werwing van huursoldate.
Wat gaan aan by die DA?
Die openbare bekgeveg tussen die Minister van Landbou en leier van die DA, John Steenhuisen en die federale voorsitter van die DA se geldsake, Dion George, word op die spits gedryf. George is onlangs as Minister van Bosbou, Visserye en die Omgewing, deur die artywoordvoerder, Willie Aucamp, vervang. Die DA sê hy kan nie teen enige van die partye optree nie, omdat geen klagtes ingedien is nie. Ons praat hieroor met die politieke ontleder, Professor Theo Venter van die Noordwes-universiteit.
G-20 was n sukses maar........
Met of sonder die betrokkenheid van die VSA is 'n G20-leiersverklaring hierdie naweek aanvaar En nou wag ons om te sien hoe die Amerikaanse president Donald Trump sal reageer op ‘n beraad wat hy geboikot het en vir fyner besonderhede oor hoe die oorhanding aan Amerika as volgende gasheer land van die G20-beraad op diplomatieke vlak sal uitspeel. President Ramaphosa het geweier om die oorhandiging te doen aan n ampsdraer wat nie die status van n senior leier van Amerika dra nie. Pieter Duvenage, 'n politieke kommentator verbonde aan die Hugenote Kollege deel op Monitor sy verwagtinge.
Afrikaanse rolspelers poog om met, en nie oor mekaar te praat nie.
Die Kaapse Forum het verskeie rolspelers uit Afrikaanssprekende gemeenskappe genooi om die afgelope naweek aan 'n oop gesprek oor verskeie geskilpunte deel te neem. Dit gesprek het in Stellenbosch plaasgevind. Die openbare geskil tussen Solidariteit en die 'Nie in Ons Naam”-veldtog oor President Donald Trump se aanbod van vlugtelinge status aan wit Suid Afrikaners, was een van die kwessie waarop die gesprekke gefokus het. Ons het op Monitor met die operasionele hoof van Solidariteit, Werner Human, en met die Sosiologie Professor Christi Van der Westhuizen hieroor gepraat.
G20 nuus wat jy moet weet
Verskeie paaie by die OR Tambo Lughawe asook in en om Johannesburg, gaan die week gesluit wees weens die G20 beraad, wat by Nasrec plaasvind.Die metro polisie vertel wat gaan gebeur ..
Vloot is 'n sinkende skip sê vise-admiraal
Die Vloot is 'n sinkende skip wat die soewereiniteit van die land bedreig, want ons martieme grense lê bloot vir misdadigers. Dit was die boodskap van Visie Admiraal Monde Lobese tydens sy toespraak by 'n weermag funksie. Lobese het so ver gegaan as om die vraag te vra, of diegene in die regering wat verantwoordelik is vir die besnoeiing van die weermag se begroting, nie in die sakke van misdaadkartelle is nie, en daarom word die weermag se funksies afgewater met 'n gebrek is fondse. Ons praat met die militêre kenner, Kobus Marais....
G20 is 'n groot eer vir SA sê minister
Die minister van internasionale betrekkinge en samewerking, Ronald Lamola, het afgevaardigdes wat vanoggend se G20-paneelbespreking bygewoon het, aangemoedig om regoor streke en sektore saam te werk om stabiele wêreld orde te bou. Lamola het ook in sy openingsrede genoem dat die G20-beraad 'n groot oomblik vir Suid-Afrika is. Die minister het op die kantlyn van vanoggend se program met SAUK Nuus gepraat oor die gereedheid vir die G20-leiersberaad. Lizaan Groenewald het meer besonderhede.
Munisipale beamptes vir die eerste keer, persoonlik aanspreeklik gehou vir finansiele verliese
Munisipale beamptes sal nou vir die eerste keer, persoonlik aanspreeklik gehou vir finansiele verliese, wat 'n munisipaliteite, weens ongerymdhede gely het. Die stap volg nadat die munisipaliteit herhaaldelik gemaan is oor sy oorbesteding aan 'n kontrak vir water-tenkwa-dienste, wat tot groot finansiele verliese gely het. Ons praat nou met 'n navorsingsgenoot aan die Departement Openbare Administrasie en Bestuur aan die Universiteit van die Vrystaat, dr. Harlan Cloete...
Eskom se plan om by Munisipaliteite oor te neem dalk nie 'n goeie idee nie
Die minister van Finansies, Enoch Godogwana, steun ook nou die voorstel dat die kragreus ESKOM sukkelende munisipaliteite se kragverskaffing tydelik oorneem. Die minister van Energie en Elektrisiteit, Dr Kgosientsho Ramokgopa, het vroeër dié stap voorgestel, om groeiende kragskuld te verhoed. In die twee munisipaliteite waar dit tans uitgevoer word, het skuldvlakke net verder toegeneem. Ons het op Monitor met die energiekenner, Corneels Schabbort gepraat.
Moet die Wes-Kaap as ‘n rampgebied verklaar weens die vlaag bende-moorde?
Ons het die vraag aan die Premier van die provinsie, Allan Winde gestel en sy antwoord sal jou dalk verbaas. Winde, het uiteindelik die Polisie Ombudsman se verslag oor die infiltrasie van die polisiediens deur bendelede in die provinsie bekendgemaak. Die verslag dateer terug tot 2022 en die Premier se verweer oor die gesloer met die bekendstelling is dat hy magteloos is om enigiets daaromtrent te doen. Hy pleit weer eens dat polisiemagte na die provinsie afgewentel word.
Nuwe ministers antwoord ons vrae...
Soos jy reeds in die nuus gehoor het, het president Cyril Ramaphosa aangekondig dat Die DA-woordvoerder, Willie Aucamp, die nuwe minister van Bosbou, Visserye en die Omgewing sal wees. Hy vervang Dion George. Ramaphosa het Alexandra Abrahams as adjunkminister van Handel, Nywerheid en Mededinging aangestel. Sy vervang Andrew Whitefield wat in Junie uit die pos verwyder is omdat hy 'n internasionale reis sonder Ramaphosa se toestemming onderneem het. George is glo deur die DA verwyder, omdat hy onderpresteer het
Die 'Rama-Steen' verhouding tans op sy beste maar....
Met die gladde verloop van die jongste kabinetskommeling blyk die verhouding tussen die twee grootste vennote binne die RNE stewig geanker te wees. Maar soos die politieke ontleder van die Noordwes Universiteit se Sakeskool, Professor Piet Croucamp aan Monitor verduidelik het, moet almal waaksaam wees, want daar bly teenstand vir 'n verhouding wat die ANC verswak in sekere van sy planne.
Skuldlas vs BBP –‘ n fyn balanseertoertjie
Met die bekendmaking van die mediumtermyn-begrotingsraamwerk bly die uitdaging groot vir ons Minister van Finansies, om die verhouding van Suid Afrika se staatskuld tot die land se Bruto Binnelandse Produk onder beheer te hou. Ons het op Monitor by die hoofekonoom van die Efficient groep, Dawie Roodt gevra hoe dit gedoen kan word, en waar bykomende inkomste gevind kan word om die staatskoffers aan te vul.
Mediumtermyn-begrotingsraamwerk vanmiddag
Die Minister van Finansies, Enoch Godongwana, lê vanmiddag die Mediumtermyn-begrotingsraamwerk in die parlement ter tafel. Jannie Rossouw, 'n besoekende professor in Ekonomie aan die Wits Besigheidskool gee sy vooruitsig....
Aanlyn onderrig is nie sub-standaard nie sê SAICA
Die Suid-Afrikaanse Omvattende Assesserings-instuut, SAICA, wat in aanlyn-skool en afstands-onderrig spesialiseer, kap terug ná berigte dat aanlyn-onderrig onwettig en minderwaardig is. SAICA verteenwoordig meer as 70 aanlyn sentrums van aanlyn-onderrig. Die uitvoerende hoof, Chris Klopper, sê SAICA is by Umalusi geakkrediteer om ook die senior sertifikaat-eksamen te bied. Hy sluit nou by ons aan...
TLU SA kla oor die voorgestelde wysingingswetsontwerp op wapenbeheer van 2025
Die Landbou Organisasie TLU SA sê hy is gekant teen die voorgestelde wysingingswetsontwerp op wapenbeheer van 2025. Die hoofbestuurder van TLU SA, Bennie van Zyl sê die wapenwet stel onuitvoerbare eise aan 'n stelsel wat reeds wanfunksioneel is en teiken landsburgers wat die wet nakom.
Solidariteit se advertensiebord-veldtog teen die ANC ontaard in 'n kat-en-muis speletjie met die Johannesburgse metro...
'n 70-meter lange advertensiebord van Solidariteit wat langs die M1-hoofweg tussen Smitstraat en Empireweg aangebring is, is gister verwyder - na bewering deur die Johannesburgse Metro. Die advertensie-banier, wat deel is van Solidariteit se veldtog in aanloop tot die G20-beraad, lees onder meer: "Welcome to the most RACE-REGULATED country in the world." Die Gautengse premier, Panyaza Lesufi, het 'n foto van die banier op sy sosiale media gedeel. Hy het geskryf: "Die wat transformasie haat, moet oorwin word." Die Johannesburgse Metro se burgemeesterskomiteelid vir Veiligheid en Sekuriteit, Mgcini Tshwaku, het 'n video op X geplaas waar werkers die banier verwyder. Ons praat nou die woordvoerder van die Johannesburgse Metropolisie, Xolani Fihla.
Save video to ...
