RSG Nuus en Aktualiteit
Brandpunt 1 September 2025
In die program: Groot kommer oor die gebrek aan befondsing vir gemeenskaps-nuus-agentskappe in die land, druk op wetgewers om damprook by skole te reguleer en maak 'n nota in jou dagboek vir eerskomende Sondag - die naghemel gaan 'n skouspelagtige bloedmaan oplewer...
"Wat het met die Geld gebeur?" vra die voormalige Bestuurshoof van die Poskantoor
Die Suid Afrikaanse Poskantoor, oftewel SAPO is tans in 'n sakereddings proses gewikkel maar die voormalige bestuurshoof Mark Barnes sê daar blyk miljarde in onverklaarde fondse te wees. Hy waarsku dat belastingbetalers antwoorde moet eis.
Ekslusiewe Onderhoud: Swys de Bruin
Die Bok-vroue Afrigter Swys De Bruin vertel aan Monitor oor die lekkerte om te sien hoe sy afrigspan se planne deur ons spelers verwesenlik word. Kaptein Nolusindiso Booi en haar spelers het Sondag geskiedenis gemaak toe hulle, met 'n oorwinning teen Italië, vir die eerste keer vir die Kwarteind van die Wereld beker gekwalifiseer het. Daar lê aanstande Sondag n kragmeting teen Frankryk voor. Ons hoor ook by de Bruin wat sy plan is vir die 15-tal.
"Don't Fall for the Call" sê kubermisdaad kenner.
Die ekonoom Dawie Roodt vertel hoe hy amper n kubermisdaad stel afgetrap het. Monitor hoorook by Professor Basie van Solms hoekom kubermisdaad, waar mense hulself as bank verteenwoordigers voordoen met 50 persent toegeneem het. Hy waarsku dat jou bank jou nooit sal bel met n finansiële opdrag nie en stel voor dat jy eenvoudig nie sulke oproepe moet duld nie.
Woede oor NERSA tel fout!
Nersa het verlede week erken dat hy foute gemaak het met die vasstelling van Eskom se inkomste vir die huidige en die volgende twee boekjare. Dit beteken dat verbruikers oor die volgende twee jaar tot 54 miljard rand meer sal moet betaal deur middel van hoër kragtariewe. Volgende jaar sal die kragtarief met 8.76 persent in April 2026 toeneem met nog meer as agt persent in 2027. Die Suid Afrikaanse federasie van Vakbonde Saftu sê NERSA het die publiek verraai. Die sekretaris generaal van SAFTU Zwelinzima Vavi sê iemand moet verduidelik hoe die berekeningsfout gemaak is.
'n Suksesvolle Skietdag vir SA se 'Girls on Fire'
Girls on Fire het in 2015 onstaan om saam te val met die Verenigde Nasies se 16 Dae van Aktivisme teen Geslagsgebaseerde Geweld. Die organisasie het Vrouemaand behoorlik afgesluit met n skietdag waar hulle hulde gebring het aan vroue wat groot dapperheid getoon het, in uiters moeilike en dikwels lewensgevaarlike situasies. Die stigter van Girls on Fire vertel haar storie aan Monitor.
Hoekom Sterf 30 kinders elke dag in SA as gevolg van honger of erge wanvoeding?
Daar is elke jaar n totaal van elf-duisend kindersterftes in Suid Afrika weens honger of erge wanvoeding. Monitor vra hoe dit moontlik is in n land wat jaarliks n oorproduksie van kos ervaar. Die aktivis Mark Heywood bied n paar antwoorde.
Die MK Party wil alle eiendom onder staatsbeheer plaas
Die sogenaamde, 'Manyi-wetsontwerp' om die grondwet te wysig bepaal, in wese dat alle grond onteien sal word, en deur die staat bestuur sal word. Dit bring dus 'n einde aan privaatbesit. In 'n voorlegging deur die FW De Klerk Stigting werp hulle meer lig op die bepalings van die wetsontwerp en waarsku dat dit dalk mettertyd ook alle eiendom en nie net grond, kan insluit. Daniela Ellerbeck, n prokereur by die Stigting, besin ook oor die lewensvatbaarheid? van so n wetsontwerp.
'n Petisie is geloods teen die publikasie van die Joshlin Smith-boek.
'n Nie-regeringsorganisasie wat by die soektog na vermiste persone betrokke is, Atlantis Search and Rescue, het 'n petisie geloods teen die publikasie van 'n boek oor die verdwyning van die ses-jarige Joshlin Smith. Die boek, "Joshlin Smith - Echoes of a Missing Child", deur Greg Wells-Clifton van die nie-regeringorganisasie, Pay it Forward staan aan die begin van die publikasieproses. Monitor praat met die skrywer en die organisasie agter die petisie.
Skoolgeld word onbekostigbaar
Openbare skole gaan toenemend gebuk onder finansiële druk, omdat ouers nie skoolgelde kan bekostig of betyds betaal nie. Die getal ouers wat nou vir vrystelling van skoolfonds aansoek doen, skiet ook die hoogte in. Die Federasie van Beheerliggame van Suid Afrikaanse Skole, verduidelik aan Monitor hoekom dit die geval is en wat ouers moet doen, indien hulle in die pekel is.
Johannesburg Water se leë beloftes oor reservoir-herstel lei tot betogings
Inwoners van Coronationville en Westbury in Johannesberg het vandag weer water nadat hulle gister die strate ingevaar het oor n waterkrisis wat reeds agt jaar woed. Johannesberg Water het saam met die nasionale minister belowe om herstelwerk te doen aan die plaaslike reservoir. Sedert die belofte gemaak is, is net mooi niks gedoen nie. So sê 'n wyksraadslid van Coronationville Genevieve Sherman. Sy het met Monitor gepraat
Brandpunt: 27/08/25 - Misdaad en sy impak op SA en n Ysbad vir n slank somerlyf.
Op Brandpunt hou ons misdaad in die kollig na die bekendmaking van die slagoffers van misdaad verslag. Die sekerheids kenner Willem Els vertel ook hoe Suid Afrika kan baat uit die Interpol Konferensie wat Woensdag in Kaapstad afskop. Terwyl Suid afrika sukkel met ondoeltreffende polisiëring, kla Amerikaners oor Donald Trump se drakoniese benadering tot die beveiliging van stede soos Washington en Chicago. En, om af te sluit, is n Ysbad blykbaar die perfekte manier om jou lyf slank en gesond te kry voor Somer, maar is dit regtig so doeltreffend soos wat daar beweer word?
Inwoners van Ekurhuleni sien rooi weens foutiewe rekeninge.
Inwoners van Ekurhuleni het vandeesmaand buitensporige elektrisiteitsrekeninge ontvang. Die kontrakteurs wat verantwoordelik is vir die akkurate lesings word nie betaal nie en nou gebruik die Metro skattings van kragverbruik. Ons praat met ‘n Vryheidsfront Plus-raadslid, Denise Janse Van Rensburg, oor hoe dinge nou reggestel kan word.
Sal ons ooit weet hoekom Babita Deokoran vermoor is?
Ons vra hierdie vraag aan die ondersoekende joernalis, Jeff Wicks wie se boek, Shadow State, vandeesweek verskyn. Terwyl die ses mans wat direk betrokke was by haar moord agter tralies sit, is die mense agter die sluipmoord nog steeds op vrye voet. Sal Babita verewig net n herinnering wees van wat met fluitjieblasers gebeur indien hulle te veel weet en besluit om uit te praat?
Brandpunt 26 Augustus 2025
In die program: Die ANC verloor steun, terwyl die DA veld wen. Die swemmer Tatjana Smith maak skoonskip en die akteur Luan Jacobs praat oor sy grootword-jare by die presidentswoning in Pretoria...
Is dit Aweh of Awê?
Daar was onlangs n lighartige debat onder ons spanlede oor hoe mens die woord AWEH spel. Aweh is natuurlik n eg Kaaps Afrkaanse manier om iemand te groet. Van die spanlede hou vol hy word A-W-ê gespel, ander sê dit moet A-W-E-H gespel word. Die debat skep 'n perfekte geleentheid om n opdatering te kry oor die ontwikkeling van die land se eerste Drietalige Woordeboek van Kaaps. 'n projek wat, sedert 2021 onder die vaandel van die Navorsings Sentrum vir Veeltaligheid en Diviersiteit by die Universiteit van die Wes-kaap ontwikkel word. Die woordeboek staan toevalig ook op die drumpel van gedruk te word. Professor Quenten Williams is aan die stuur van die projek en ons praat nou met hom.
Naweek Aktueel Profielonderhoud Helen Zille 9 Augustus 2025
Die naam Helen Zille is sinoniem met dié van 'n politikus met 'n ysere wil, sterk standpunte en iemand wat nie doekies omdraai nie... Maar een ding wat min mense van Helen Zille weet, is dat haar sagtheid vlerke kry in hoe sy omgee vir mense... veral dié die naaste aan haar. In Naweek Aktueel se weeklike profielonderhoud, sê Helen aan Esté de Klerk haar rol as vrou, ma en ouma - dit lê haar die naaste aan die hart.
Ian Cameron vertel van die aanval op hom en twee kollegas ...
Die voorsitter van die Polisie portefeulje komitee in die parliment Ian Cameron vertel dat hy gedink het sy kollega en vriend is dood, terwyl booswigte die voertuig aangeval het waarin hy en nog twee kollegas gery het. Die stryder teen misdaad in die land sê dit was 'n vreesaanjaende ervaring. Ons praat ook met JP Smith van die Kaapstad Metro oor die vinnige reaksie van die metro om die misdadigers vas te trek na die aanval.
Brandpunt 20 Augustus 2025
Ons skyn die kollig op spesiale munisipale tariewe. Ons het gister berig oor munisipaliteite wat spesiale heffings begin instel, hoewel daar tradisionele erfbelastings en dienstefooie is. Burgerlike organisasies is besig om hulle voet hieroor neer te sit. Ons praat met 'n ontleder wat voorstel dat die munisipale vergoedingstelsel hersien word. Vandag is Wêreld-muskietdag, en 'n kenner vertel watter belangrike rol wat muskiete in die ekologie speel. En, jy kan nou amptelik gatvol wees, want die woord is nou deel van die Oxford-woordeboek
'n Baie ingewikkelde saak lé voor vir die Eldorado Park-egpaar wat van moord op hulle 4 jarige dogtertjie beskuldig word.
Monitor het by die regskenner Francois Botes gaan uitvind hoe die Ma se versuim om die aanranding aan te meld, kan lei tot n klag van moord? Die Pa van die kind word deur vyf aanklagte in die gesig gestaar, wat verkragting asook gedwonge verkragting insluit. Botes bespiegel, luidens die klagstaat, wat moontlik daartoe kon gelei het, en praat ook oor die moontlike vonnise wat opgelê kan word indien daar n skuldigbevinding is.
Save video to ...
