listen to Tru Fm Current Affairs
Tru Fm Current Affairs
TRUNEWS@SIX: THE INDEPENDENTS MANIFESTO
umbutho The Independents, nogayela inkxaso kumasipala i Enoch Mgijima ophantsi komasipala wesithili iChris Hanii, oquka iidolophu ezifana neKomani, Cofimvaba, Middelburg, Tarkastad ukubala nje ezimbalwa wothula i Manifesto yawo ngelizwi likasekela sihlalo walombutho uNtozelizwe Tom
TRUNEWS @6 - Calls for more transparency and legal framework when forming coalitions at local government level
Iingcali zimemelela ukwenziwa kwezinto elubala nesiseko somthetho xa kusekwa ulawulo lweendibanisela, kwisigaba sorhulumento loomasipala. Oku kuza ngethuba iziko lophando iMapungubwe Institute for Strategic Reflection (MISTRA), liphehlelele ingxelo yalo ka2026 engolawulo lwendibanisela namhlanje eRhawutini. Ingxelo yalo ibonisa elikufumanisileyo ngemiba erhangqe ulawulo lwendibanisela kweli, ukusukela ngonyaka u2021 ukuya kweyoMdumba kulo nyaka ka2026. Ukuphehlelelwa kwale ngxelo kwenzeka kwisithuba nje esingaphantsi kwenyanga phambi kokuba abemi beli baye kunyulo loorhulumente basemakhaya. U-Amanda Xhala ukulungiselele le ngxelo ka Zara Groenewald…
TRUNEWS @6 - An update on the TRC Cases Inquiry and the scheduled appearance of former Presidents
Ababesakuba ngoomongameli, uThabo Mbeki noJacob Zuma, kulindeleke ukuba bavele phambi kophando lwamatyala enyaniso noxolelwaniso kwezi veki zimbini zizayo. UMbeki ucwangciselwe ukuvela iintsuku ezimbini, ngomhla weshumi elinethoba namashumi amabini kule nyanga, ngeli lixa uZuma kulindeleke ukuba avele ngomhla wamashumi amabini anesibini kule imiyo. Le komishoni, nosihlalo wayo inguJaji Sisi Khampepe, yasekwa ngoCanzibe kunyaka ophelileyo, ngelokuphanda ngolibaziseko lwangabom, nongenelelo lwezopolitiko ekuphandweni nasekutshutshisweni kwamatyala exa lorhulumente wengcinezelo. Sukela ekuqaleni kwalo, olu phando luye lwajamelana namadabi omthetho, nalapho luye lalwa iinzame zokuba inkokheli yobungqina yalo, uAdv Ismael Semenya kwakunye nosihlalo wayo uJaji Sisi Khampepe, bazikhwebule kulo. ULikho Jack usilungiselele le ngxelo kaBusi Bopela...
TRUNEWS @6 - Parties and labour call for urgent government relief on fuel price hike
Imibutho yezopolitiko neyabasebenzi, imemelela ungenelelo olungxamisekileyo lukarhulumente ekukhuseleni abathengi nanjengoko uluntu loMzantsi Afrika luzilungiselela ukujamelana nokwenyuka okumandla kwakho kwamaxabiso amafutha. Oku kwenyuka kwamaxabiso amafutha kulindeleke ukuba kubeke uxinizelelo nangakumbi kwiipokotho zamakhaya eli, kwiindleko zothutho nakumaxabiso okutya. UMkhokheli Bandla usiqulunqele le ngxelo...
#NEWSREVIEW: O R TAMBO POLITICAL DEBATE SIMULCAST
Kwinkqubo ndaba u NewsReview namhlanja siqwalasela umasipala i OR Tambo District nalapho imibutho ezigqatsela phantsi koomasipala abakulammandla befumana ithuba lokudakanca imiqulu yezithembiso besitsho nokuba kutheni mabavotelwe. U Ayabonga Kekana no Esona Funeka basiphathele lenkqubo...
INTERCHANGE-EC film production, Village Cinema Line (Pty) Ltd, to bring EC stories to the world
Inkampani ezimeleyo evelisa imiboniso bhanyabhanya iVillage Cinema Line (Pty) Ltd, eMpuma Koloni, ingena kwisigaba esitsha sokwandisa imiboniso yalapha ekhaya, ukuveza awona mabali okwenyani eMpuma Koloni kubabukeli boMzantsi Afrika nangaphandle. Kungokunje lenkampani iqhuba amaphulo aliqela okuvelisa imiboniso bhanyabhanya kuquka amabali . UAmanda Xhala uncokola nomvelisi nomseki walenkampani, uLukhanyo Manyangaza
GREAT KEI MOVEMENT MANIFESTO
Umbutho iGreat Kei Community Movement ngumbutho okumasipala iGreat Kei nongumasipala ophantsi kwe-Amathole District Municipality. Lo mbutho yeminye yemibutho ezakuthatha inxaxheba kunyulo loomasipala. Injongo yawo kukujongana neemfuno zoluntu kwakunye norhulumento. Iidolophu eziphantsi kwalomasipala ziquka iQumrha, Kei Mouth, kwakunye ne Morgan's Bay. Lo masipala akohlukanga kakhulu kwabanye oomasipala abaphantsi komasipala wesithili iAmathole, kuba ungqongwe ziilali ntoleyo ebangela bangenzi ngeniso. Ukuva ngezithembiso zombutho weGreat Kei Movement, sinaye uMzimasi Mtalo.
Phakama Adelaide Movement manifesto
Kusele iintsuku ezingamashumi amathathu anesine phambi ko nyulo looMasipala basekhaya. Njengoko siqhuba nokukhweba amaqela ezopolitiko, namhlanje sibize umbutho iPhakama Adelaide Movement, nozigqatsela phantsi komasipala wesithili iAmathole kunye neRaymond Mhlaba. UAmanda Xhala uncokola nophuma kulo mbutho, uBantu Moyo...
TRUNEWS@6-Mthatha Ratepayers and Residents Association Manifesto
Namhlanje, omnye wemibutho esizakuncokola nayo ngumbutho wabahlali baseMthatha, iMthatha Ratepayers and Residents Association. Lo mbutho uzigqatsel'unyulo kumasipala iKing Sabata Dalindyebo nophantsi komasipala iOR Tambo. Ngoku masingene kumqulu wezithembiso walombutho. UAmanda Xhala ubambe udliwano ndlebe ongunobhala kwi Mthatha Ratepayers and Residents Association, uThembile Zibi...
TRUNEWS@6-UNITED RESIDENTS FRONT
Masive kumbutho iUnited Residents Front ozigqatsele unyulo nawo kumasipala iKSD. UAmanda Xhala uncokola no-Nwabisa Nyoka...
TRUNEWS@6-PHAKAMA EASTERN CAPE MANIFESTO
Kwimiqulu yezithembiso yemibutho, masamkele ngoku umbutho iPhakama Eastern Cape. Lo ngumbutho osemtsha nosekwe kunyaka ophelileyo njengombutho omele abahlali nenjongo yawo ikukukhuthaza uluntu luphendulise urhulumente ngokusilela kwakhe nokusebenzisa gwenxa iimali zabahlawuli berhafu. UAmanda Xhala uncokole nophuma kwi Phakama Eastern Cape, uPhikolomzi Adonis...
TRUNEWS@6-AFRICAN UNEMPLOYED CONGRESS MANIFESTO
Umbutho iAfrican Unemployment Congress, ungomnye yemibutho ezigqatsela isikhundla phantsi kwabanye bomasipala be-OR Tambo District Municipality. UAmanda Xhala uncokole nomongameli weAUC, uSiyabulela Mateza.
TRUNEWS@6- African Socio Economic Party Manifesto
Umasipala wesithili iOR Tambo ngomnye woomasipala besithili abathandathu kwiphondo iMpuma Koloni. Kuqikelelwa ukuba bangaphezulu kwesigidi abantu abahlala kulomasipala. Lo masipala ungqongwe zilali, kwaye inoomasipala basekhaya abahlanu phantsi kwawo, iKing Sabatha Dalindyebo, Nyandeni, Mhlontlo, Port St Johns kwakunye nomasipala Ingquza Hill. Umbutho iAfrican Socio Economic Party yeminye yemibutho ezakuzigqatsela isikhundla kulomasipala iOR Tambo. UAmanda Xhala ubambe udliwanondlebe nophuma kulombutho uLinda Ndenze.
NEWS REVIEW| 2026 LGE debate focusing in the Alfred Nzo region in the EC.
Namhlanje olu lusasazo lukhethekileyo lwengxoxo-mpikiswano yamaqela ezopolitiko angenele unyulo loomasipala luka-2026 noluzakubajwa ngomhla wesine kuNovember. Namhlanje iintente zethu sizigxumeke kwinqila yase-Alfred Nzo enomasipala abane phantsi kwayo, umasipala iNtabankulu, i-Umzimvubu, iMatatiele kunye neWinnie Madikizela-Mandela. Bonke aba masipala baphantsi komasipala isithili i-Alferd Nzo apha eMpuma Koloni.
INTERCHANGE: Township & Rural Economic Development Agency summit
I-Arhente yophuhliso loqoqosho lwasezilokishini nasezilalini (TREDA) isingathe umsitho wesibini wonyaka kwiKomkhulu lamaXhosa eNqadu kuGatyane eMpuma Koloni. Le ndibano ibandakanya urhulumente, abatyalimali, icandelo labucala kunye namashishini akhasayo ukuze bajonge iindlela zokuvula amathuba otyalomali nawezoqoqosho kwiindawo zasemaphandleni. U Ayabonga Kekana wenze udliwano ndlebe nengqonyela yale arhente u Qhamisa Tengile.....
INTERCHANGE: BOOK REVIEW: "When tradition bleed", by Dr Xolani Msila
Kuphicotho ncwadi lwaleveki U Ayabonga Kekana uncokola no Gqirha Xolani Msila, ongumbhali wencwadi enesihloko sithi "When the Tradition Bleeds." UGqirha Msila yinzalelwane yase Dikeni, eMpuma Koloni.
TRU NEWS @6| Employing undocumented foreign nationals may become a costly affair for SA companies and households.
Uluntu lunesithuba senyanga ukuba bavakalise uluvo lwabo kuhlenga-hlengiso lomthetho-sihlomelo wezengqesho, i-Employment Services Amendment Bill. Lo mthetho uyilwayo ungabona iinkampani kunye nemizi isithiwa nkaa ngomdliwo we-hundred thousand rands ngamqeshwa ngamnye ongummi welizwe langaphandle ongenazimpepha zisemthethweni ezimgunyanzisa ukuba abekweli. Eli lilinge likarhulumente lokuqinisekisa ukuba kuqiniswa imithetho elawula imfuduko kweli, nokuba abemi boMzantsi Afrika babekelwa phambili kwingqesho. Ingxelo ka-Zalene Merrington siyilungiselelwe nguVuyolwethu Mabeqa...
TRU NEWS @6| Bonginkosi Sondiyazi contests LGE as an independent candidate in Umzimvubu
Nangengoko siqhuba nokumema imibutho yezopolitiko kuquka nabagqatswa abazimeleyo kunyulo loomasipala luka-2026. Namhlanje enkqubeni sincokole no-Bonginkosi Sondiyazi ongumgqatswa ozimeleyo ku-Ward 20 kumasipala i-Umzimvubu, phantsi komasipala wesithili i-Alfred Nzo eMpuma Koloni, nalapho esixelela ngezicwangciso anazo kuluntu...
TRU NEWS @6| Andisa Mncunzwa contests LGE as an independent candidate in Matatiele
Nangengoko siqhuba nokumema imibutho yezopolitiko kuquka nabagqatswa abazimeleyo kunyulo loomasipala luka-2026. Namhlanje enkqubeni sincokole no-Andisa Mncunzwa ongumgqatswa ozimeleyo ku-Ward 5 eMatatiele, phantsi komasipala wesithili i-Alfred Nzo eMpuma Koloni, nalapho esixelela ngezicwangciso anazo kuluntu...
TRUNEWS @6 - MAKANA UNITED CIVIC MOVEMENT Manifesto
Sele siqalisile ukuva ifuthe lonyulo nanjengoko kusele nje isithuba senyanga phambi konyulo loorhulumente bamakhaya, noluza kubanjwa ngomhla wesine kwinyanga yeNkanga. Ngoku sithetha nombutho olwela amalungelo abahlali base Makhanda, i Makana United Civic Movement. UAyabonga Kekana uncokole nophuma kulo mbutho, u Andile Peter...
Save video to ...
