listen to Tru Fm Current Affairs
Tru Fm Current Affairs
TRUNEWS @6 - How to prevent the spread of misinformation and disinformation on the internet?
Le nyanga yinyanga ekuqatshelwa ngayo ukhuseleko kwi-intanethi, iCyber Security Month ngolwasemzini. Namhlanje siza kuqwalasela indlela esinokuthintela ngayo ukunwenwa kweendaba ezingeyonyaniso kwi-intanethi. Ukuxoxa banzi ngalo mba, u-Amanda Xhala uncokole nomanejala ophezulu ojongene nezobuchwepheshe kwi-Information Regulator, uLangithemba Mazibu...
TRUNEWS @6 - Looking at the deployment of soldiers to KwaZulu-Natal
Kuthunyelwe amajoni angaphezulu kwamakhulu amahlanu kwiphondo iKwaZulu-Natal kwiinzame zokugcina ucwangco. Umongameli uCyril Ramaphosa uxelele usomlomo wasePalamente uThoko Didiza kwakunye nosihlalo webhunga lamaphondo uRefilwe Mtsweni-Tsipane, ngesigqibo sakhe sokuthumela lamajoni ayokuncedisana namapolisa elaphondo. Lamajoni azakuhlala kude kube sekupheleni kwenyanga yeNkanga. Kuqikelelwa ukuba kuzakuchithwa imali engaphezulu kwezigidi ezingamashumi amathathu anesine zeerandi, ukugcina lamajoni kweliphondo. U-Amanda Xhala uncokole nengcali kwimiba yorhulumento nolawulo kwinkonzo yesipolisa, uGqirha Mfuneko Sihlobo...
NewsReview-Discussing governance issues in the EC municipalities
TOPIC: Discussing governance issues in the EC municipalities highlighted during the election debates GUEST: Precious Lugayeni ( Governance expert)
TRUNEWS@6: IEC WEDNESDAY: Getting voters ready for election day
Njengoko kushiyeke iintsuku ezingaphantsi kweshumi ngaphambi konyulo loomasipala basekhaya, ikomishoni yonyulo i-IEC ithi ikwinqanaba lokugqibela kumalungiselelo okuqinisekisa ukuba abavoti bakulungelele ukuvota , nokuba inkqubo yokuvota iza kuhamba ngendlela. Emnxebeni sinaye usekela-manejala wale kwiphondo iMpuma Koloni, uMasindi Mosehana...
TRUNEWS @6 - Seven refurbished railway stations along the KuGompo City rail corridor have been officially opened
Umphathiswa wezothutho, uBarbara Creecy, uvule ngokusesikweni izikhululo zoololiwe ezisixhenxe ezilungiswe ngokutsha kwisixeko saKuGompo. Izikhululo zikaloliwe, esaseMtsotso, eFort Jackson, ePenmure, eMdantsane, eArnoldton, eMount Ruth naseWilsonia bezonakalisiwe, kwaye i-arhente yothutho ngoololiwe kweli, iPRASA, iye yazilungisa ezi zikhuluko. Umphathiswa uthi bamisele iintshukumo ezizizo zokuthintela ukuba zingaze ziphinde zonakaliswe ezi zikhululo. UNtombozuko Balintulo ebelapho, waza wasiqulunqela le ngxelo...
TRUNEWS @6 - Analysing the revised White Paper on Local Government 2026
Analysing the revised White Paper on Local Government 2026 Izolo sincokole nomphathiswa wesebe lorhulumento ngobambiswano malunga noxwebhu oluphononongiweyo olubizwa iWhite Paper, oluzakubona kusenziwa utshintsho olukhulu koomasipala beli. Umphathiswa uVelenkosini Hlabisa uthe oku kukucwangcisa kwakhona (reset) oomasipala beli kuba kubonakala ukusilela kwe White Paper eyaqulunqwa ngo1998. Uthi baphelisa into abayibiza ngokuba yi "one-size fit all approach", ukuze oomasipala baxhaswe ngokwezidingo zabo endaweni yendlela enye yokubaxhasa ngemali neyolawulo. Ukuhlalutya banzi olu xwebhu, ingakumbi kumba wenkwinkxaso-mali kamasipala nohanjiso lweenkonzo, u-Amanda Xhala uncokole nengcali kwimiba yorhulumento, uSandile Swana...
DISABILITY POD
Icandelo elijongene namalungelo abantu ababandazeleke ngokwamalungu omzimba eMpuma Koloni, libambisene norhulumente wephondo liza kusungula inyanga yamalungelo abantu ababandazeleke ngokwamalungu omzimba ngomso, kwikhaya labantu abadala iEthembeni eMdanstane. Oyingqonyela ye Disability Economic Empowerment Trust, uThabiso Phetuka usichazela banzi ngoku
NUMSA NEC STRIPS JIM ANC CHIRWA OFF THEIR POWERS
Ikomiti yesigqeba solawulo ye NUMSA iwohluthile amagunya kunobhala jikelele walombutho u Irvin Jim, umongameli u Andrew Chirwa, kunye anamanye amalungu olawulo kulemanyano yesinyithi. Lekomiti ityhola ezinkokheli ngokutyeshela imisebenzi yazo nokungazichopheli nokurhoxisa iintlanganiso zalemanyano. Sithe ke kwinkqubo yethu masimeme oyingcali yezemicimbi yabasebenzi ukusihlalutyela banzi ngoku u Mojalefa Musi....
TRUNEWS @6 - Breaking down the revise White Paper and understanding its purpose
Kulindeleke kubekho utshintsho olukhulu kwindlela oomasipala abaxhaswa ngayo ngemali nabalawulwa ngayo. Urhulumente uthatha amanyathelo okuqulunqa ngokutsha inkqubo yoomasipala basekhaya. Umongameli uCyril Ramaphosa uphehlele uxwebhu oluphononongiweyo olubizwa iWhite Paper, noluqulathe iinguqu ezizakwenziwa koomasipala beli. Ukuva banzi ngalo mba, uAmanda Xhala uthethe nomphathiswa kwiSebe lolawulo ngentsebenziswano, uVelenkosini Hlabisa...
TRUNEWS @6 - Concerns are mounting over access to essential medicines
Sele isisithuba sonyaka sukela uMongameli weli waseka iqela elijongene nokusombulula ingxaki yokuqongophala kwamayeza kweli lizwe. Nangona kunjalo, kusekho inkxalabo malunga nokufumaneka kwamayeza abalulekileyo,kwakunye nemingeni ejongene necandelo elijongene nokuthengwa kwamayeza ( supply chain). Ukuva ukuba ingaba yintoni esele yenziwe leliqela, kwaye kutheni le ngxaki isekhona. U-Amanda Xhala uthethe noyi Chief Director in Health Products Procurement, uKhadija Jamaloodien...
Public Protector's suprise visit to the Eastern Cape
Umkhuseli woluntu u Kholeka Gcaleka wenze utyelelo kwisibhedlele i Livingstone nesibhedlele saseGcuwa kuleveki iphelileyo, njengenxalenye yephulo lomkhuseli woluntu lolawulo olusulungekileyo. Enkqubeni ke sibambe oyintloko kwi ofisi yomkhuseli woluntu eMpuma Koloni u Sibongile Lwana
INTERCHANGE| Dr Noma Mbeki Foundation offers bursaries academically and financial deserving students.
Njengoko abafundi bebanga leshumi bebhala iimviwo zokuphela konyaka, kuninzi okuthi kubehlele ngelixesha okufana noxinezelelo lwengqondo, umva ndendwa kwakunye noloyiko, uninzi lwabo luye ludinge ukunakekelwa kwakunye nenkuthazo. Abanye babo baphuma kumakhaya ekungekho zinzo nto leyo ethi ichaphazele indlela abaqhuba ngayo kwizifundo zabo. IDr Noma Foundation ingenelela ngokuthi incedisane naabo badinga uncedo kwaye inikezele ngee bursary zokubaxhasa kwizifundo zabo zemfundo enomsila. Ukuva banzi ngelinyathelo, emnxebeni sinaye uGqirha Noma Mbeki ophuma kweli ziko...
INTERCHANGE| EC Health department introduces digital admin system to at least 100 health facilities
Kwilinge likarhulumente lokugcina iinkcukacha zezigulane. Isebe lezempilo eMpuma Koloni lazise inkqubo entsha yokusebenzisa yobuchwepheshe bale mihla obuzakustyenziswa kumaziko empilo kwizithili ezahlukileyo ephondweni ukugcina iinkcukacha zesigulane iElectronic Medical Record, kungasetyenziswa zimpepha. Oku kubonwa njengokuzakwethula umthwalo wobhaliso kula maziko nokhuseleo lweenkcukacha zezigulana. U-Ayabonga Kekana uncokole noyintloko yonxibelelwano yesebe lezempilo ephondweni, uSiyanda Manana...
2026 LGE debate focusing on the Nelson Mandela Bay Metro
trufm & UMhlobo Wenene political debate held at Nelson Mandela Bay Metro.
TRUNEWS@6-AFRICAN RATING AGENCY
Amazwe aseAfrika amanyeneyo iAU, amisele i-arhente ethekelela indlela uqoqosho oluqhuba ngayo xa kuthelekiswa namanye amazwe. Ngonyaka ka-2018 iAU yaxhasa ukusekwa kwale-arhente, ze yamiselwa ngokusesikweni kulenyanga ePort Louis, eMauritius. Ukumiselwa kwale-arhente kuza ngexesha amazwe aseAfrika ekhala ngenzala kwimali mboleko. Abatyali mali baxhomekeka ngamandla kwii-arhente ezifana noMoody noFitch, ukuba leliphi ilizwe abanokuchitha kulo imali yabo. UAmanda Xhala uncokole nengcali kwimiba yamazwe angaphandle, ugqirha Siphumelele Duma.
TRUNEWS@6-2026 Local Government Elections Media Coverage Insights
Sekulithuba mphulaphuli sishukuxa imiba yezonyulo, sakuphathela neengxoxo-mpikiswano zemibutho yezopolitiko ezigqatsela unyulo, phakathi kwezinye izinto. Ukhala kusasazo lweendaba, iMoxii Africa, neyinkampani eqwalasela indlela amajelo eendaba asasaza ngayo iindaba, ithe gqolo isakh'umkhanya kwindlela amajelo eendaba asasaza ngayo iindaba ezinento yokwenza nonyulo loomasipala oluzayo Lokhala ukhe wavakalisa nenkxalabo ngelithi amajelo eendaba akabeki phambili imiba yohanjiso lweenkonzo njengeyona nto iphambili kolunyulo.UAmanda Xhala ubenodliwano ndlebe nophuma Moxii Afrika, uMusa Rikhotso...
TRUNEWS@6-ATM President, Prof Caesar Nongqunga has expressed satisfaction with the party's progress since its inception eight years ago
Umongameli weqela lezopolitiko i-ATM, uNjingalwazi Ceasar Nongqunga, uthi uxolile yinkqubela, nomgama osele uhanjwe ngumbutho wakhe kwiminyaka esibhozo susela oko wasekwayo. Eli qela belibambe i-rally yalo kwikomkhulu i-Mqhekezweni eMthatha, eMpuma Koloni. UNongqunga usebenzise eli thuba ememelela ukunikwa ingqwalasela eziyifaneleyo iinkokheli zemveli. Masifumane ingxelo kuNomzwanele Mngoma...
TRUNEWS@6- EC residents urged to be on the lookout for signs of Mpox
Abahli base Mpuma Koloni bayabongozwa ukuba baqaphele iimpawu zesifo i Mpox. Oku kuza emva kokuba isebe lezempilo kuzwelonke libhengeze ukuba bangamashumi mabini anesithandathu abantu abasele befunyenwe benesisifo. Aphe eMpuma Koloni sele bebabini abasele bechaziwe nabaphuma kumasipala i Ndlambe neMakhanda. Uluntu lubongozwa ukuba xa luqaphela iimpawu zesisifo lukhawuleze lufune unyango lungalibazisanga. Ukuba sive banzi ngoku, uAmanda Xhala uncokola nothethela isebe lezempilo apha ephondweni, u Siyanda Manana.....
TRUNEWS@6-Chris Hani District Municipality political debate
Outside broadcast: Political debate at Chris Hani District Municipality hosted by trufm Ayabonga Kekana and UMhlobo Wenene Siphosethu Nonganga.
TRUNEWS @6 - ELECTION WEDNESDAY: We take a closer look at the voting process, and the ballots voters can expect at the voting station on Election Day
Kusele iintsuku ezilishumi elinesine phambi konyulo loomasipala luka-2026. Basondele kumashumi amathathu ezigidi abemi beli ababhalisele ukuvota kolu nyulo. Apha enkqubeni sincokole nekomishoni yonyulo ezimeleyo i-IEC, ukuva ukuba ngubani oselungelweni lokuvota ngomhla wesine kwinyanga ezayo, kwaye ubani xa efike kwisikhululo sokuvota kulindeleke ukuba enze ntoni. U-Ayabonga Kekana uye wancokola nosekela manejala wekomishoni yonyulo eMpuma Koloni, uMasindi Mosehana, nalapho eqale ngokumbuza ukuba ngubani oselungelweni lokuvota kolu nyulo…
Save video to ...
